Einkennilegir menn, býflugnavinkill og Bjarni lesandi vikunnar

Útgáfutónleikar einkennilegra manna hljómar kannski undarlega en dúettinn Down & Out sendi nýlega frá sér tónlist á nýrri breiðskífu sem þeir kalla Þættir af einkennilegum mönnum. Húsavík er fæðingarheimili hljómsveitarinnar, en hana skipa þeir Ármann Guðmundsson og Þorgeir Tryggvason, sem hlustendur ættu að þekkja úr hljómsveitinni Ljótu hálfvitarnir. Þeir mættu í þáttinn í dag með tvo gítara og spiluðu og spjölluðu. Við fengum vinkil frá Guðjóni Helga Ólafssyni í dag. Í þetta sinn lagði Guðjón vinkilinn að blómum og býflugum. Lesandi vikunnar í þetta sinn var svo Bjarni Þórodsson, stjórnmálafræðingur hjá Reykjavíkurborg. Við fengum að vita hvaða bækur hann hefur verið að lesa undanfarið og svo hvaða bækur og höfundar hafa haft mest áhrif á hann í gegnum tíðina. Earthsea e. Ursula Le Guin Hvítfeld e. Kristínu Eiríksdóttir Kóngulærnar í sýningarglugganum e. Kristínu Ómarsd. Dýrin í Hálsaskógi e. Thorbjörn Egner Blíðfinnur e. Þorvald Þorsteinsson Tónlist í þætti dagsins: Ást / Ragnheiður Gröndal (Magnús Þór Sigmundsson-Sigurður Nordal) Ég trúi ekki / Down and Out (Ármann Guðmundsson) Sægreifi / Down and Out (Ármann Guðmundsson og Þorgeir Tryggvason) Ring of fire / Johnny Cash (June Carter Cash & Mark Kilgore) UMSJÓN: GUÐRÚN GUNNARSDÓTTIR OG GUNNAR HANSSON